National Vision News
 

ഇന്ത്യന്‍ സൈനികര്‍ക്ക് യുദ്ധസമയത്ത് ധരിക്കാന്‍ എക്‌സോ സ്‌കെലിട്ടണ്‍ സാങ്കേതിക വിദ്യ

National Vision News 01:57 PM National News

പൂനെ: ഇന്ത്യന്‍ സൈനികര്‍ക്ക് യുദ്ധസമയത്ത് ധരിക്കാന്‍ എക്‌സോ സ്‌കെലിട്ടണ്‍ സാങ്കേതിക വിദ്യ ലഭ്യമാക്കുമെന്ന് റിപ്പോര്‍ട്ട്. സുരക്ഷ ഉറപ്പാക്കി വേഗതയോടെ പ്രതികരിക്കാനും, സാഹചര്യത്തെ തിരിച്ചറിയാനും ഈ സാങ്കേതിക വിദ്യ സൈനികരെ സഹായിക്കുമെന്നാണ് റിപ്പോര്‍ട്ട്.

സൈനികര്‍ യുദ്ധസമയത്ത് ധരിക്കുന്ന ഗിയര്‍ വസ്ത്രങ്ങളെ കുറിച്ച് ഗവേഷണം നടത്തുന്നതിനും നവീകരിക്കുന്നതിന്റേയും ഭാഗമായാണ് ഇത്തരം സാങ്കേതിക വിദ്യയെ കുറിച്ച് കേന്ദ്ര സര്‍ക്കാര്‍ ആലോചിച്ചത്. ഇതിനു വേണ്ടി നല്ലൊരു ഭാഗം തുക ചിലവിടാന്‍ തന്നെയാണ് സര്‍ക്കാരിന്റെ തീരുമാനം.

യുദ്ധസമയത്ത് ഒരു സൈനികനെ സജ്ജമാക്കുന്നതിനോടൊപ്പം അവന്‍ വഹിക്കുന്ന ഭാരവും വളരെ വലുതാണ്. അതിന്റെ ഭാരം ലഘൂകരിക്കുക എന്നതാണ് എക്‌സോ സ്‌കെലിട്ടണ്‍ സ്യൂട്ട് സാങ്കേതിക വിദ്യകൊണ്ട് ലക്ഷ്യമാക്കുന്നത്. റഷ്യ, അമേരിക്ക പോലുള്ള രാജ്യങ്ങളില്‍ ബാറ്ററിയില്‍ പ്രവര്‍ത്തിക്കുന്ന എക്‌സോ സ്‌കെലിട്ടണ്‍ സ്യൂട്ടാണ് ഉപയോഗിക്കുന്നത്. യുദ്ധമേഖലയില്‍ മുന്നേറാന്‍ അതി നൂതന ഹെല്‍മറ്റുകള്‍, കവചം, സി ഫോര്‍ ഐ കഴിവുകള്‍, രാത്രി കാഴ്ചകള്‍ എന്നിവ വിപുലപ്പെടുത്താനും ഗവേഷണത്തില്‍ തീരുമാനമുണ്ട്.

അതി തീവ്ര തണുപ്പിലും, ചൂടിലും നിരവധി സൈനികരെ രാജ്യ സുരക്ഷയ്ക്കായി വിന്യസിച്ചിട്ടുണ്ട്. കാലാവസ്ഥയോട് പൊരുതി തന്നെയാണ് പട്ടാളക്കാര്‍ രജ്യത്തിന് വേണ്ടി നിലകൊള്ളുന്നത്. എന്നാല്‍ ഇത്തരം എക്‌സോ സ്‌കെലിടണ്‍ സ്യൂട്ടുകള്‍ തണുത്തുറഞ്ഞ സമയത്തും ചൂടില്‍ നിന്നും സൈനീകരെ സഹായിക്കുമെന്നാണ് ഗവേഷകര്‍ വ്യക്തമാക്കുന്നത്. എക്‌സോ സ്‌കെലിട്ടണ്‍ സ്യൂട്ടുകളെ കുറിച്ച് ഔദ്യോഗികപരമായി ഇന്ത്യ ഇതുവരെ വെളിപ്പെടുത്തിയിട്ടില്ല. അതേസമയം സ്യൂട്ടിന് ലോക്കിങ്ങ് സംവിധാനവുമുണ്ട്. പരിശീലനം ലഭിച്ചവര്‍ക്ക് മാത്രമാണ് തുടക്കത്തില്‍ ഇത്തരം സ്യൂട്ടുകള്‍ ലഭ്യമാകുക.

Recent Post

National Vision News