National Vision News
 

പബ്ജി കളിക്കുന്നതു തടഞ്ഞ പിതാവിനെ വെട്ടിനുറുക്കി മകന്‍.

National Vision News 10:26 AM National News

ബംഗളൂരു: പബ്ജി കളിക്കുന്നതു തടഞ്ഞ പിതാവിനെ വെട്ടിനുറുക്കി മകന്‍. വടക്കന്‍ കര്‍ണാടകയിലെ ബെലഗാവി കക്കാട്ടിയില്‍ തിങ്കളാഴ്ചയായിരുന്നു സംഭവം. സിദ്ധേശ്വര്‍ നഗറില്‍ താമസിക്കുന്ന റിട്ട. ഹെഡ് കോണ്‍സ്റ്റബിള്‍ ശങ്കര്‍ ദേവപ്പ കുമ്പാറെയാണ് മകന്‍ രഘുവീര്‍ കുമ്പാറ അതിക്രൂരമായി കൊലപ്പെടുത്തിയത്.

യുവാവ് സ്ഥിരമായി പുലര്‍ച്ച വരെ പബ്ജി കളിക്കുന്നത് പതിവായിരുന്നു. ഇതേതുടര്‍ന്ന് ഞായറാഴ്ച രാത്രി പിതാവ് മൊബൈല്‍ ഫോണ്‍ പിടിച്ചുവാങ്ങി. ഇതില്‍ പ്രകോപിതനായ രഘുവീര്‍ കുടുംബാംഗങ്ങളെ മുറിയില്‍ പൂട്ടിയിട്ടതിനു ശേഷം പിതാവിനെ വെട്ടികൊലപ്പെടുത്തുകയായിരുന്നു. ശങ്കറിന്റെ തലയും കാലും വെട്ടിമുറിച്ചു.

അയല്‍ക്കാര്‍ വിവരമറിയിച്ചതിനെ തുടര്‍ന്ന് പോലീസ് വീട്ടിലെത്തി യുവാവിനെ അറസ്റ്റ് ചെയ്യുകയായിരുന്നു. മൂന്ന് മാസം മുന്‍പാണ് ശങ്കര്‍ സര്‍വീസില്‍ നിന്നും വിരമിച്ചത്. പോളിടെക്‌നിക് വിദ്യാര്‍ഥിയാണ് യുവാവ്.

Recent Post


Related News


National Vision News