National Vision News
 

വ്യാജൻമാരേ പിടിക്കാൻ പുതിയ ഫ്‌ളാഗിംഗ് ഫീച്ചറുമായി ഇന്‍സ്റ്റഗ്രാം.

National Vision News 09:06 AM World News

സാമൂഹ്യമാദ്ധ്യമങ്ങളില്‍ വ്യാജന്മാര്‍ പെരുകുന്ന സാഹചര്യത്തില്‍ അവയ്ക്കു തടയിടാന്‍ ഇന്‍സ്റ്റഗ്രാം പുതിയ ഫീച്ചറുമായി രംഗത്ത്. വ്യാജമെന്നും തോന്നിപ്പിക്കുന്നതും തെറ്റിധരിപ്പിക്കുന്നതുമായ പോസ്റ്റുകളെ ഉപഭോക്താക്കള്‍ക്ക്് ഫ്‌ളാഗ് ചെയ്യാനുള്ള ഫ്‌ളാഗിംഗ് ഫീച്ചറാണ് ഇന്‍സ്റ്റഗ്രാം അവതരിപ്പിച്ചിരിക്കുന്നത്.

വസ്തുതാപരമായ ഉള്ളടക്കങ്ങളുടെ പ്രാചാരണം തടയാന്‍ ഈ ഫീച്ചര്‍ സഹായകമാകും. വ്യാജവാര്‍ത്തകള്‍ ശ്രദ്ധയില്‍പെട്ടാല്‍ ഇന്‍സ്റ്റഗ്രാം പോസ്റ്റിന്റെ വലതുഭാഗത്ത് മുകളിലുള്ള മൂന്ന് ഡോട്ട് മെനുവില്‍ ക്ലിക്ക് ചെയ്യുക. its inappropriate എന്ന സെലക്ട് ചെയ്തതിന് ശേഷം false information എന്നതില്‍ ക്ലിക്ക് ചെയ്യുക. ഈ വിധം ചെയ്താല്‍ അതില്‍ നിന്നും വ്യാജവാര്‍ത്തകളെയും വിവരങ്ങളെയും കണ്ടെത്താമെന്നാണ് ഇന്‍സ്റ്റഗ്രാം അധികൃതര്‍ പറയുന്നത്.

എന്നാല്‍ ഫേസ്ബുക്കിന്റെ ‘ ഫാക്ട് ചെക്’ സംവിധാനം പോലെ വ്യാജ വാര്‍ത്തകള്‍ പങ്കുവെക്കുമ്പോള്‍ അതെ കുറിച്ച് ഉപഭോക്താവിന് നോട്ടിഫിക്കേഷന്‍ ഇന്‍സ്റ്റഗ്രാം നല്‍കില്ല.ഉപയോക്താക്കളുടെ ന്യൂസ് ഫീഡിന് പകരം അവ എക്‌സ്‌പ്ലോര്‍ എന്നതിന് കീഴിലും ഹാഷ്ടാഗുകളിലുമാണ് കാണാന്‍ സാധിക്കുന്നത്.അമേരിക്കയിലാണ് ഈ ഫീച്ചര്‍ ആദ്യം എത്തുക. പിന്നീട് മറ്റ് ഉപയോക്താക്കളിലേക്ക് എത്തുമെന്നാണ് വിവരം.

Recent Post

National Vision News